FONDSINSAMELING

Om die uitstekende standaard van ons skool te handhaaf, loods ons jaarliks ‘n aantal fondsinsameling-projekte. Ons is gelukkig om ‘n ouer-liggaam te hê wat passievol is oor ons skool en wat waardevolle tyd en energie in hierdie projekte insit. Ons het ook ‘n gemeenskap wat die skool geweldig ondersteun deur donasies en borgskappe.

WINTERDANS – Laerskool Vorentoe is 90!

As deel van ons vieringe vir 2020 bied Laerskool Vorentoe op Saterdag 18 Julie 2020 ‘n Winterdans by De Dekke aan.
Kom geniet saam met ons die vieringe van ons 90ste bestaans jaar. Dit is nie eksklusief vir die Vorentoe gemeenskap nie en enige iemand kan kom deel wees van die pret. Kontak asseblief lsvorentoe@gmail.com vir meer inligting.

LOCAL IS LEKKER Projek 2020

Ons ondersteun plaaslike besigheide en fokus op produkte wat mense in elk geval koop. Die skool verdien daaruit ‘n kommissie. Die projek eindig met ‘n markdag op 14 November 2020.

Dit was verlede November ‘n groot sukses. Local is inderdaad lekker! Die samewerking tussen die skool en die besighede in Grootbrak Rivier en omgewing was wonderlik.

Klik hier om ‘n voorbeeld van die 2019 katalogus te sien. As u wil deel wees van die katalogus 2020 kontak asseblief lsvorentoe@gmail.com vir meer inligting.

local-is-lekker-logo

4 × 4 in Vleesbaai op 6 Junie 2020

Laerskool Vorentoe bied ‘n 4 × 4-geleentheid in Vleesbaai op Saterdag 6 Junie 2020 aan. Dit was verlede jaar baie pret! Laai asseblief die registrasievorm hier af en kontak Rozanne: rozanne@edensolar.co.za vir meer inligting.