Laerskool Vorentoe Pre-Primêr maak deel uit van Laerskool Vorentoe. Ons akkomodeer leerders in hulle Gr.RR en Gr.R jaar waarna hulle dan hulle formele skoolloopbaan in Laerskool Vorentoe begin.

Ons bied ‘n veilige hawe waar kleuters nog kind kan wees. Ons het gekwalifiseerde, passievolle personeel met ‘n hart vir kinders. Beide klasse is tweetalig en ons volg ‘n formele, maar tog gebalansseerde leerprogram wat verseker dat u kind skoolgereed is. Getalle is van so aard dat individuele aandag steeds aan elke kind gegee kan word. Ons klaskamers is ruim en toegerus met (CCTV) kameras vir u kind se veiligheid. Ons spog met ‘n pragtige skoolterrein waar kinderlaggies daagliks weerklink.

By Laerskool Vorentoe Pre-Primêr het ons sterk Christelike waardes en streef ons daarna om ‘n liefdevolle, gedissiplineerde en gelukkige omgewing te skep waar elke kleuter sosiaal, emosioneel en fisies kan ontwikkel. Dit is vir ons belangrik dat elke kleuter tot sy volle potensiaal sal ontwikkel en sodoende aan ‘n sterk selfbeeld sal bou.

Die volgende buitemuurse aktiwiteite word gedurende skoolure aangebreid: Payball, Monkeynastix, Rugga Kids, ballet, pottery en dans.